flying taxi dubai : ദുബായ് ഫ്‌ലയിംഗ് ടാക്‌സി ടെര്‍മിനലുകള്‍ എങ്ങനെയായിരിക്കും, കണ്‍സെപ്റ്റ് ഡിസൈന്‍ പുറത്തിറക്കി; ചിത്രങ്ങള്‍ കാണാം
ദുബായ് ഫ്‌ലയിംഗ് ടാക്‌സി ടെര്‍മിനലുകള്‍ എങ്ങനെയായിരിക്കും? വെര്‍ട്ടിപോര്‍ട്ട് ടെര്‍മിനലിന്റെ കണ്‍സെപ്റ്റ് ഡിസൈന്‍ flying taxi dubai പുറത്തിറക്കി അധികൃതര്‍. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HFQBUlcPCGb9oJrW9jdiRm ആര്‍ക്കിടെക്ചറല്‍, എഞ്ചിനീയറിംഗ്, ഇന്റഗ്രേറ്റഡ് ഡിസൈന്‍ കമ്പനിയായ ഫോസ്റ്റര്‍ + പാര്‍ട്ണേഴ്സും വെര്‍ട്ടിപോര്‍ട്ട് ടെക്നോളജിയുടെ ഡിസൈനറും ഓപ്പറേറ്ററുമായ സ്‌കൈപോര്‍ട്ട് ഇന്‍ഫ്രാസ്ട്രക്ചറും ചേര്‍ന്ന് ദുബായ് ഇന്റര്‍നാഷണല്‍ എയര്‍പോര്‍ട്ടിന് (DXB) സമീപം നിര്‍മ്മിക്കുന്ന ഇന്‍ഫ്രാസ്ട്രക്ചറിന്റെ കലാപരമായ റെന്‍ഡറിംഗാണ്് പങ്കിട്ടത്.
വെര്‍ട്ടിപോര്‍ട്ട് ടെര്‍മിനലുകള്‍ ആളുകളെ കൊണ്ടുപോകുന്നതിനായി എയര്‍ ടാക്‌സികളും ഇലക്ട്രിക് വെര്‍ട്ടിക്കല്‍ ടേക്ക് ഓഫ് ആന്‍ഡ് ലാന്‍ഡിംഗ് (eVTOL) വിമാനങ്ങളും ഉപയോഗിക്കുന്നു. 2023ലെ ലോക ഗവണ്‍മെന്റ് ഉച്ചകോടിയില്‍ യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമാണ് പദ്ധതി ആദ്യമായി പ്രഖ്യാപിച്ചത്.
എയര്‍ ടാക്സികള്‍ ഔദ്യോഗികമായി അവതരിപ്പിക്കുന്നതിന് മുന്നോടിയായി ലോകമെമ്പാടുമുള്ള നിരവധി കമ്പനികള്‍ കഴിഞ്ഞ വര്‍ഷം ദുബായില്‍ പറക്കും കാര്‍ പരീക്ഷണം നടത്തിയിരുന്നു. ചൈനീസ് ടെക്നോളജി, ഇലക്ട്രിക് വാഹന നിര്‍മ്മാതാക്കളായ എക്സ്പെംഗ്, ഈ വര്‍ഷം ഫെബ്രുവരിയില്‍ ഗിറ്റെക്സ് ടെക്നോളജി വീക്കില്‍ തങ്ങളുടെ എക്സ്2 ഫ്‌ലൈയിംഗ് കാറിന്റെ ആദ്യ ആഗോള പൊതു പറക്കല്‍ നടത്തി.
മൂന്ന് വര്‍ഷത്തിനുള്ളില്‍ എയര്‍ ടാക്സികള്‍ പ്രവര്‍ത്തിക്കാന്‍ തുടങ്ങുമെന്നും വെര്‍ട്ടിപോര്‍ട്ടുകളുടെ പൂര്‍ണ്ണമായി വികസിപ്പിച്ച ശൃംഖലയുള്ള ലോകത്തിലെ ആദ്യത്തെ നഗരമായി ദുബായി മാറുമെന്നും ഷെയ്ഖ് മുഹമ്മദ് ഫെബ്രുവരിയില്‍ പറഞ്ഞിരുന്നു. ദുബായിലെ റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി (ആര്‍ടിഎ) 2026-ഓടെ പ്രവര്‍ത്തനം ആരംഭിക്കുന്നതിനായി എയര്‍ ടാക്സികള്‍ക്കും eVTOL നും വേണ്ടിയുള്ള അടിസ്ഥാന സൗകര്യങ്ങള്‍ രൂപകല്‍പ്പന ചെയ്യുന്നതിനും വികസിപ്പിക്കുന്നതിനും Skyports Infrastructure, Joby Aviation എന്നിവയുമായി ചേര്‍ന്ന് പ്രവര്‍ത്തിക്കുന്നു.
പ്രാരംഭ പദ്ധതി പ്രകാരം, എയര്‍ ടാക്സികള്‍ ദുബായ് വിമാനത്താവളത്തിന്റെ നാല് പ്രധാന മേഖലകളായ ഡൗണ്‍ടൗണ്‍, പാം ജുമൈറ, ദുബായ് ,മറീന എന്നിവയെ ബന്ധിപ്പിക്കും.eVTOL ദുബായിലെ നിലവിലെ ഗതാഗത ശൃംഖലയായ മെട്രോ നെറ്റ്വര്‍ക്ക്, ദുബായ് ഇന്റര്‍നാഷണല്‍ എയര്‍പോര്‍ട്ട് എന്നിവയുമായി സംയോജിപ്പിക്കും.
Comments (0)