fly dubai : യുഎഇയിലേക്കുള്ള വിമാനത്തില്‍ പക്ഷി ഇടിച്ചു; സുരക്ഷിതമായി ലാന്‍ഡ് ചെയ്തു
യുഎഇയിലേക്കുള്ള വിമാനത്തില്‍ പക്ഷി ഇടിച്ചു. നേപ്പാളില്‍ നിന്ന് ദുബായിലേക്കുള്ള ഫ്‌ലൈ ദുബായ് വിമാനത്തിലാണ് fly dubai പക്ഷി ഇടിച്ചത്. നേപ്പാളില്‍ നിന്ന് പറന്ന വിമാനത്തില്‍ പക്ഷി ഇടിച്ചതിനെ തുടര്‍ന്ന് ഫ്‌ലൈ ദുബായ് വിമാനം ദുബായ് അന്താരാഷ്ട്ര വിമാനത്താവളത്തില്‍ സുരക്ഷിതമായി ഇറക്കിയെന്ന് അധികൃതര്‍ അറിയിച്ചു. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/HFQBUlcPCGb9oJrW9jdiRm
‘കാഠ്മണ്ഡു വിമാനത്താവളത്തില്‍ (കെടിഎം) നിന്നുള്ള ഫ്‌ലൈ ദുബായ് ഫ്‌ലൈറ്റ് എഫ്സെഡ് 576 ല്‍ പറന്നുയരുന്നതിനിടെ പക്ഷി ഇടിച്ചു. തുടര്‍ന്ന് പ്രാദേശിക സമയം 00:11 ന് ദുബായ് ഇന്റര്‍നാഷണലില്‍ (ഡിഎക്‌സ്ബി) സുരക്ഷിതമായി ഇറങ്ങി” ഫ്ളൈദുബായ് വക്താവിനെ ഉദ്ധരിച്ച് ദുബായ് മീഡിയ ഓഫീസ് ട്വീറ്റ് ചെയ്തു.
പരിചയസമ്പന്നരായ ഫ്‌ലൈറ്റ് ക്രൂ സ്റ്റാന്‍ഡേര്‍ഡ് ഓപ്പറേറ്റിംഗ് നടപടിക്രമങ്ങള്‍ പാലിച്ചതായും എന്‍ജിന്‍ സാധാരണ ഓപ്പറേറ്റിംഗ് പാരാമീറ്ററുകള്‍ക്കുള്ളില്‍ ആണെന്ന് നിര്‍ണ്ണയിച്ചതിന് ശേഷം യാത്ര തുടര്‍ന്നുവെന്നും വക്താവ് പറഞ്ഞു. ‘വിമാനം സാധാരണ രീതിയില്‍ ദുബായില്‍ ലാന്‍ഡ് ചെയ്തു, കൂടുതല്‍ പരിശോധന നടത്തും. യാത്രക്കാരുടെയും ജീവനക്കാരുടെയും സുരക്ഷയാണ് ഞങ്ങളുടെ മുന്‍ഗണന. യാത്രക്കാരുടെ യാത്രാ ഷെഡ്യൂളില്‍ എന്തെങ്കിലും അസൗകര്യമുണ്ടായതില്‍ ക്ഷമ ചോദിക്കുന്നു,’ പ്രസ്താവനയില്‍ പറയുന്നു.
50 നേപ്പാളി യാത്രക്കാര്‍ ഉള്‍പ്പെടെ 150 പേര്‍ വിമാനത്തില്‍ ഉണ്ടായിരുന്നുവെന്നാണ് റിപ്പോര്‍ട്ട്. നേരത്തെ, ഒഹായോയില്‍ നിന്ന് പറന്നുയര്‍ന്നതിന് തൊട്ടുപിന്നാലെ, പക്ഷിയിടിച്ച് എഞ്ചിന് തീപിടിച്ചതിനെത്തുടര്‍ന്ന് അമേരിക്കന്‍ എയര്‍ലൈന്‍സ് ഫ്‌ലൈറ്റ് 1958 സുരക്ഷിതമായി മടങ്ങിയിരുന്നു. ഇന്റര്‍നാഷണല്‍ സിവില്‍ ഏവിയേഷന്‍ അതോറിറ്റിയുടെ കണക്കനുസരിച്ച്, പ്രതിദിനം 34 പക്ഷികള്‍ വിമാനത്തില്‍ ഇടിക്കുന്നുണ്ട്.
Comments (0)