dubai’s global village: ദുബായ് ഗ്ലോബല്‍ വില്ലേജ് അടയ്ക്കാന്‍ പോകുന്നു; നിങ്ങള്‍ക്ക് ആസ്വദിക്കാവുന്ന മികച്ച മൂന്ന് പരിപാടികള്‍ ഇവയൊക്കെ
നിങ്ങളുടെ കുടുംബത്തോടൊപ്പം ഈ വര്‍ഷം ഈദ് ആഘോഷിക്കാന്‍ ഒരു സ്ഥലം തിരയുകയാണോ? ഗ്ലോബല്‍ വില്ലേജിന്റെ 27-ാം സീസണ്‍ ഏപ്രില്‍ 29 ശനിയാഴ്ച അവസാനിക്കുകയാണ്. ആഗോള ഗ്രാമത്തിലെ dubai’s global village ഈദ് കേന്ദ്രീകരിച്ചുള്ള ഇവന്റുകള്‍ പ്രഖ്യാപിച്ചിട്ടുണ്ട്. കരിമരുന്ന് പ്രയോഗം, ഈദ് മാര്‍ക്കറ്റ്, പ്രത്യേക മജ്ലിസ്, തുടങ്ങി ഈദ് അല്‍ ഫിത്തര്‍ ഗ്ലോബല്‍ വില്ലേജില്‍ നിങ്ങള്‍ക്ക് ചെയ്യാന്‍ കഴിയുന്നതെല്ലാം ഇതാ.
ഈദ് അല്‍ ഫിത്തര്‍ കരിമരുന്ന് പ്രയോഗം
ഏപ്രില്‍ 21 വെള്ളിയാഴ്ച രാത്രി 9 മണി മുതല്‍ ഏപ്രില്‍ 29 ശനിയാഴ്ച വരെ നിങ്ങള്‍ക്ക് ഗ്ലോബല്‍ വില്ലേജില്‍ ഈദ് കരിമരുന്ന് പ്രയോഗം കാണാം. പടക്കങ്ങളുടെ മികച്ച കാഴ്ചയ്ക്കായി, പ്രധാന വേദിക്ക് സമീപമുള്ള ഫയര്‍വര്‍ക്ക്‌സ് അവന്യൂവില്‍ ഒത്തുകൂടാം.
ഈദ് മാര്‍ക്കറ്റ്
ഗ്ലോബല്‍ വില്ലേജ് ഒരു പ്രത്യേക ഈദ് മാര്‍ക്കറ്റും സംഘടിപ്പിക്കും, അതില്‍ ഈദ് വസ്ത്രങ്ങള്‍, ആഭരണങ്ങള്‍, അലങ്കാരങ്ങള്‍ എന്നിവ ഉള്‍പ്പെടുന്ന പ്രത്യേക കിയോസ്‌കുകള്‍, ഭക്ഷണം കഴിക്കാനുള്ള ഓപ്ഷനുകളും ഉള്‍പ്പെടുന്നു. സെലിബ്രേഷന്‍ വാക്കിന് സമീപമാണ് മാര്‍ക്കറ്റ്. നിങ്ങള്‍ക്ക് 27 സാംസ്‌കാരിക പവലിയനുകളില്‍ ഏതെങ്കിലുമൊന്നില്‍ നിന്ന് ഈദ് ഷോപ്പിംഗ് നടത്താം. അവിടെ നിങ്ങള്‍ക്ക് ലോകമെമ്പാടുമുള്ള രാജ്യങ്ങളില്‍ നിന്നുള്ള ഉല്‍പന്നങ്ങള്‍ കണ്ടെത്താനാകും.
മജ്ലിസ് ഓഫ് ദി വേള്‍ഡ്
ഈ വര്‍ഷം റമദാനില്‍ ഗ്ലോബല്‍ വില്ലേജ്, ദി മജ്ലിസ് ഓഫ് ദി വേള്‍ഡ് സംഘടിപ്പിക്കുന്നുണ്ട്. ഇത് എയര്‍ കണ്ടീഷന്‍ഡ് ഔട്ട്ഡോര്‍ മജ്ലിസാണ്, അവിടെ സന്ദര്‍ശകര്‍ക്ക് ഇഫ്താറും സുഹൂറും കഴിക്കാം. ഈ മജ്ലിസ് ഈദിന് തുറന്നിരിക്കും, കൂടാതെ ഔദ്, ഖാനുന്‍, കിന്നരം, വയലിന്‍ എന്നിവ ഉള്‍പ്പെടുന്ന പ്രാദേശിക സംഗീത പ്രകടനങ്ങള്‍ ഇവിടെ നടക്കും.
സംഗീത പ്രകടനങ്ങള്‍ക്കൊപ്പം, അതിഥികള്‍ക്ക് ഭക്ഷണം കഴിക്കാന്‍ മേശകളും ബുക്ക് ചെയ്യാം. ഈ ലിങ്ക് സന്ദര്‍ശിച്ച് നിങ്ങള്‍ക്ക് മജ്ലിസ് ഓഫ് വേള്‍ഡില്‍ ഒരു ടേബിള്‍ ബുക്ക് ചെയ്യാം: https://www.globalvillage.ae/en/ramadan-majlis . കൂടുതല്‍ വിവരങ്ങള്‍ക്ക് 971 4 3624114 എന്ന നമ്പറില്‍ ബന്ധപ്പെടാം.
ഈദ് അല്‍ ഫിത്തര്‍ സമയത്തെ പ്രവൃത്തി സമയം
ഏപ്രില്‍ 21 വെള്ളിയാഴ്ച മുതല്‍ ഏപ്രില്‍ 23 ഞായര്‍ വരെ – വൈകുന്നേരം 4 മുതല്‍ പുലര്‍ച്ചെ 2 വരെ
ടിക്കറ്റ് ചെലവ്
നിങ്ങള്‍ ഓണ്‍ സൈറ്റ് ടിക്കറ്റ് വാങ്ങുകയാണെങ്കില്‍ 25 ദിര്‍ഹം നല്‍കണം. ഓണ്‍ലൈനില്‍ ടിക്കറ്റ് വാങ്ങുകയാണെങ്കില്‍, 22 ദിര്‍ഹം നല്‍കിയാല്‍ മതി. ഗ്ലോബല്‍ വില്ലേജില്‍ ‘വാല്യു ടിക്കറ്റുകളും’ ഉണ്ട്, അവ ഞായറാഴ്ച മുതല്‍ വ്യാഴം വരെ സാധുതയുള്ളതാണ് (പൊതു അവധി ദിവസങ്ങള്‍ ഒഴികെ) അതിന് 20 ദിര്‍ഹം ഈടാക്കും, ഓണ്‍ലൈനില്‍ വാങ്ങിയാല്‍ 18 ദിര്‍ഹം.
ഗ്ലോബല്‍ വില്ലേജ് വെബ്‌സൈറ്റ് സന്ദര്‍ശിച്ച് നിങ്ങള്‍ക്ക് ഓണ്‍ലൈനായി ടിക്കറ്റുകള്‍ വാങ്ങാം – https://www.globalvillage.ae/en/buy
വെറും 10 ദിര്‍ഹത്തിന് ദുബായ് പബ്ലിക് ബസ് സര്‍വീസ് ഉപയോഗിച്ച് നിങ്ങള്‍ക്ക് എളുപ്പത്തില്‍ ഗ്ലോബല്‍ വില്ലേജിലെത്താം.
നോല്‍ കാര്‍ഡ് ഉപയോഗിച്ച് യാത്രാക്കൂലി നല്‍കണാം.
ബസ് വിവരങ്ങള്‍
റാഷിദിയയിലെ സെന്റര്‍പോയിന്റ് മെട്രോ സ്റ്റേഷനില്‍ നിന്ന് – ബസ് 102
ദേരയിലെ യൂണിയന്‍ മെട്രോ സ്റ്റേഷനില്‍ നിന്ന് – ബസ് 103
അല്‍ ഫാഹിദിയില്‍ നിന്ന് – ബസ് 104
മാള്‍ ഓഫ് എമിറേറ്റ്‌സ് മെട്രോ സ്റ്റേഷനില്‍ നിന്ന് – ബസ് 106
Comments (0)