Pravasi Vartha

യു.എ.ഇയിലെ വീസാ അപേക്ഷ നടപടിയിലെ കാലതാമസം ഒഴിവാക്കാൻ വീഡിയോ കോൾ സേവനം പ്രയോജനപ്പെടുത്താം

ദുബായ്: വീസാ അപേക്ഷകളിൻമേലുള്ള നടപടിയിലെ കാലതാമസം ഒഴിവാക്കാൻ വീഡിയോ കോൾ സേവനം ഉപയോഗപ്പെടുത്താമെന്ന് ദുബായ് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് പറഞ്ഞു. ചില സമയങ്ങളിൽ ഉപയോക്താക്കളുടെ അപേക്ഷാ ഫോമുകളിന്മേലുണ്ടാകുന്ന സംശയ നിവാരണത്തിനായിനായി ഓഫീസിൽ പോകാതെ തന്നെ വീഡിയോ കോൾ വഴി എമിഗ്രേഷൻ ഓഫീസർമാരുമായി ആശയം വിനിമയം നടത്താം. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക  https://chat.whatsapp.com/HrBMSJlYxxE3pXHlJyWsp0 നിലവിൽ അതിവേഗമാണ് ദുബായിലെ വീസാ സേവനങ്ങൾ ലഭ്യമായിട്ടുള്ളത്. ജിഡിആർഎഫ്എ ദുബായുടെ വെബ്‌സൈറ്റ് മുഖേനയാണ് ഇതു സാധ്യമാകുന്നതെന്നു തലവൻ ലഫ്. ജനറൽ മുഹമ്മദ് അഹ്മദ് അൽ മർറി അറിയിച്ചു. ഇതിലൂടെ അപേക്ഷകളുടെ മേലുള്ള കാലതാമസം എന്താണെന്ന് ഉദ്യോഗസ്ഥരിൽ നിന്ന് അറിയാനും ആവശ്യമായ രേഖകൾ സമർപ്പിച്ചു നടപടികൾ പൂർത്തീകരിക്കാനും സാധിക്കും. ഫ്രണ്ട് കാമറ പ്രവർത്തിക്കുന്ന ഏത് ഉപകരണവും സേവനം ലഭിക്കാനായി ഉപയോഗിക്കാം. ഇത് ഉപയോക്താക്കളുടെ ഓഫീസുകളിലെ കാത്തിരിപ്പും അധ്വാനവും കുറയ്ക്കുന്നതാണ്.
വിഡിയോ കാൾ സേവനം എങ്ങനെ ഉപയോഗിക്കാം

– https://gdrfad.gov.ae/en എന്ന വകുപ്പ് വെബ്‌സൈറ്റ് സന്ദർശിക്കുക

– ഇടത് ഭാഗത്തുള്ള വിഡിയോ കോൾ സേവനം എന്നത് ക്ലിക്ക് ചെയ്യുക

–ഔദ്യോഗിക രേഖകളിലെ ശരിയായ പേര് നൽകുക

– ഇ-മെയിൽ ഐഡി

– മൊബൈൽ നമ്പർ

– പാസ്‌പോർട്ട് നമ്പർ അല്ലെങ്കിൽ എമിറേറ്റ്‌സ് ഐഡി നമ്പർ നൽകുക

–ദൃശ്യമായ സ്‌ക്രീനിൽ ആവശ്യമായ സേവനങ്ങൾ തിരഞ്ഞെടുക്കുക

– തുടർന്ന് വകുപ്പിലേയ്ക്ക് സമർപ്പിക്കുക

– തുടർന്ന് ഏതാനും മിനിട്ടുകൾ കൊണ്ട് എമിഗ്രേഷൻ ഉദ്യോ
ഗസ്ഥരുമായി ആശയവിനിമയം നടത്താം.

8005111 ടോൾ ഫ്രീ നമ്പർ
ദുബായിലെ വീസാ സംബന്ധമായ എല്ലാ അന്വേഷണങ്ങൾക്കും ടോൾഫ്രീ നമ്പറായ 8005111ൽ വിളിക്കാവുന്നതാണ്. എന്നാൽ വീഡിയോ കോൾ സേവനം എന്നത് ഔദ്യോഗിക ചാനൽ വഴി അപേക്ഷിച്ച സേവന അപേക്ഷകളുടെ മേലുള്ള നടപടികൾ പൂർത്തികരിക്കാനുള്ളതാണെന്ന് അമർ ഹാപ്പിനസ് വിഭാഗം തലവൻ ലഫ്.കേണൽ സാലിം ബിൻ അലി അറിയിച്ചു.
നിലവിൽ വകുപ്പിന്റെ ഓഫിസ് പ്രവൃത്തി സമയമായ രാവിലെ 7:30 മുതൽ വൈകിട്ട് 6 വരെയാണ് സർവീസ് ലഭ്യമാവുക. വരും കാലങ്ങളിൽ മുഴുവൻ സമയവും ലഭ്യമാകും. ഫിനാൻഷ്യൽ, നിയമ ഉപദേശം, എമിഗ്രേഷൻ കാർഡ്, താമസ വീസ, സന്ദർശക വീസ, മാനുഷിക പരിഗണനയുള്ള ഇടപാടുകൾ, ഗോൾഡൻ വീസ, സ്വദേശികളുമായി ബന്ധപ്പെട്ടുള്ള വിഷയങ്ങൾ, പ്രോപ്പർട്ടി ഇൻവെസ്റ്ററുടെ വീസകൾ എന്നിവയുമായി ബന്ധപ്പെട്ടുള്ള കാര്യങ്ങളെല്ലാം ഔദ്യോഗികമായി അറിയാനും ആവശ്യമായ സേവനം ലഭ്യമാകാനും ഇതിലൂടെ സാധിക്കുന്നതാണ്.

യു.എ.ഇയിൽ നിന്ന് പുറപ്പെട്ട എയർ ഇന്ത്യ വിമാനം തിരിച്ചിറക്കൽ; 38 മണിക്കൂർ ദുരിതത്തിന് ശേഷം നാട്ടിൽ

യു.എ.ഇ റെസിഡന്റ്‌സി വിസ ഉപഭോക്താക്കൾക്ക് റീ എട്രി പെർമിറ്റിന് എങ്ങനെ അപേക്ഷിക്കാം, നിരക്ക്, യോഗ്യത, തിരിച്ചടവ് എന്നിവ അറിയാം

യുഎഇയിലെ വിസാ നടപടികളിൽ സുപ്രധാന മാറ്റം ആറു മാസമായി രാജ്യത്തിന് പുറത്ത് താമസിക്കുന്നവർ ചെയ്യേണ്ടത് ഇക്കാര്യങ്ങൾ