യുഎഇ: വാട്സാപ്പിലൂടെ കുടുംബബന്ധം തകര്‍ത്തു; സഹോദരനെതിരെ പരാതി നല്‍കി യുവതി
വാട്സാപ്പിലൂടെ കുടുംബബന്ധം തകര്‍ത്തുവെന്ന് ആരോപിച്ച് സഹോദരനെതിരെ പരാതി നല്‍കി യുവതി. ഫാമിലി വാട്ട്സ്ആപ്പ് ഗ്രൂപ്പില്‍ അയച്ച അധിക്ഷേപകരമായ സന്ദേശത്തിലൂടെ സഹോദരന്‍ തന്റെ കുടുംബാംഗങ്ങളുമായുള്ള ബന്ധം തകര്‍ത്തുവെന്ന് യുവതി ആരോപിച്ചു. വാർത്തകളും വിവരങ്ങളും തത്സമയം അറിയുവാൻ വാട്ട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HrBMSJlYxxE3pXHlJyWsp0 ഫാമിലി വാട്സ്ആപ്പ് ഗ്രൂപ്പില്‍ ഷെയര്‍ ചെയ്ത അധിക്ഷേപകരവും അപമാനകരവുമായ സന്ദേശം കാരണം തനിക്ക് അനുഭവപ്പെട്ട ഭൗതികവും ധാര്‍മ്മികവും മാനസികവുമായ നാശനഷ്ടങ്ങള്‍ക്ക് 200,000 ദിര്‍ഹം നഷ്ടപരിഹാരം നല്‍കണമെന്ന് ആവശ്യപ്പെട്ട് അറബ് യുവതി തന്റെ സഹോദരനെതിരെ കേസ് ഫയല്‍ ചെയ്തതായി ഔദ്യോഗിക കോടതി രേഖകള്‍ പറയുന്നു. ഈ സന്ദേശം ചില കുടുംബാംഗങ്ങളില്‍ തെറ്റിദ്ധാരണ ഉണ്ടാക്കിയെന്നും ആ ബന്ധം നശിച്ചു യുവതി കോടതിയില്‍ പറഞ്ഞു.
എന്നാല്‍ യുവതിക്ക് ഒരു ദോഷവും സംഭവിച്ചിട്ടില്ലെന്ന് ഊന്നിപ്പറഞ്ഞുകൊണ്ട് പ്രതി തനിക്കെതിരായ ആരോപണങ്ങള്‍ നിഷേധിച്ചു. കുടുംബത്തിലെ മറ്റുള്ളവരുമായുള്ള സഹോദരിയുടെ ബന്ധം ഇപ്പോഴും നല്ലതാണെന്നും അദ്ദേഹം പറഞ്ഞു. മതിയായ തെളിവുകളുടെ അഭാവത്തില്‍ അല്‍ഐന്‍ ഫസ്റ്റ് ഇന്‍സ്റ്റന്‍സ് കോടതി നേരത്തെ കേസ് തള്ളിയിരുന്നു. കീഴ്ക്കോടതിയുടെ വിധി നിലനിര്‍ത്തിയ അപ്പീല്‍ കോടതിയും കേസ് തള്ളി. അവകാശവാദങ്ങളെ പിന്തുണയ്ക്കുന്നതിനുള്ള മതിയായ തെളിവുകളുടെ അഭാവം മൂലം കേസ് തള്ളിക്കളയുന്നുവെന്നും സഹോദരന്റെ നിയമപരമായ ചെലവുകള്‍ യുവതി വഹിക്കണമെന്നും കോടതി വ്യക്തമാക്കി.
Comments (0)