യുഎഇയിലെ മഴ: ചില സ്വകാര്യ സ്‌കൂളുകള്‍ക്ക് ഓണ്‍ലൈന്‍ ക്ലാസ് ഏര്‍പ്പെടുത്തി
രാജ്യത്ത് അസ്ഥിരമായ കാലാവസ്ഥ നിലനില്‍ക്കുന്നതിനാല്‍ യുഎഇയിലെ ചില സ്വകാര്യ സ്‌കൂളുകള്‍ റിമോട്ട് ലേണിംഗിലേക്ക് മാറി. വെല്ലിംഗ്ടണ്‍ ഇന്റര്‍നാഷണല്‍ സ്‌കൂള്‍, ദുബായ്; വിന്‍ചെസ്റ്റര്‍ സ്‌കൂള്‍, ഫുജൈറ; റാസല്‍ഖൈമയിലെ വെസ്റ്റ്മിന്‍സ്റ്റര്‍ സ്‌കൂളുമാണ് ക്ലാസുകള്‍ ഓണ്‍ലൈനായി മാറ്റിയത്. വിദ്യാഭ്യാസ മന്ത്രാലയം പുറപ്പെടുവിച്ച നിര്‍ദ്ദേശങ്ങളുടെ അടിസ്ഥാനത്തില്‍ ഫുജൈറയിലെയും റാസല്‍ഖൈമയിലെയും സ്‌കൂളുകള്‍ റിമോട്ട് ലേണിംഗിലേക്ക് മാറി. മറ്റെല്ലാ സ്‌കൂളുകളും പതിവുപോലെ തുറന്നിട്ടുണ്ടെന്ന് ജെംസ് എജ്യുക്കേഷന്‍ പ്രസ്താവനയില്‍ അറിയിച്ചു. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HrBMSJlYxxE3pXHlJyWsp0
ഇന്നലെ നടത്തിയ അറിയിപ്പുകള്‍ പ്രകാരം, അസ്ഥിരമായ കാലാവസ്ഥയെത്തുടര്‍ന്ന് റാസല്‍ഖൈമയിലെയും ഫുജൈറയിലെയും സര്‍ക്കാര്‍ സ്‌കൂളുകളിലെ വിദ്യാര്‍ത്ഥികള്‍ക്ക് വിദൂര പഠനം സജീവമാക്കിയിട്ടുണ്ട്. ജനുവരി 26, 27 (വ്യാഴം, വെള്ളി) തീയതികളില്‍ വിദ്യാര്‍ത്ഥികള്‍ വീട്ടില്‍ നിന്ന് പഠിക്കുമെന്ന് രണ്ട് എമിറേറ്റുകളിലെയും പോലീസ് അറിയിച്ചു. വിദ്യാര്‍ത്ഥികളുടെയും സ്‌കൂള്‍ ജീവനക്കാരുടെയും സുരക്ഷ ഉറപ്പാക്കുന്നതാണ് നടപടിയെന്ന് പോലീസ് കൂട്ടിച്ചേര്‍ത്തു.
കനത്ത മഴയെത്തുടര്‍ന്ന് ഷാര്‍ജയിലെ കല്‍ബ സിറ്റിയിലെയും ഫുജൈറയിലെയും പൊതു-സ്വകാര്യ സ്‌കൂളുകള്‍ ബുധനാഴ്ച ഉച്ചയ്ക്ക് 12 മണിയോടെ വിദ്യാര്‍ത്ഥികളെ വീടുകളിലേക്ക് അയച്ചിരുന്നു. അബുദാബി, ദുബായ്, ഷാര്‍ജ, റാസല്‍ഖൈമ എന്നിവിടങ്ങളിലെ ചില ഭാഗങ്ങളില്‍ ഇന്ന് രാവിലെ മിതമായ മഴ ലഭിച്ചതായി നാഷണല്‍ സെന്റര്‍ ഓഫ് മെറ്റീരിയോളജി (എന്‍സിഎം) അറിയിച്ചു.
Comments (0)