യുഎഇയില്‍ മഞ്ഞു വീഴുമോ? മഴ, ഇടി, മിന്നല്‍ എന്നിവയ്ക്ക് സാധ്യത, താപനില ഗണ്യമായി കുറയും
യുഎഇയിലെ താപനില ഇന്ന് രാവിലെ 2.8 ഡിഗ്രി സെല്‍ഷ്യസായി കുറഞ്ഞിരുന്നു. ദേശീയ കാലാവസ്ഥാ കേന്ദ്രം (എന്‍സിഎം) താപനിലയില്‍ അടുത്ത രണ്ട് ദിവസങ്ങളില്‍ ഗണ്യമായ ഇടിവ് പ്രവചിക്കുന്നു. ബുധന്‍, വ്യാഴം ദിവസങ്ങളില്‍ ഇടിമിന്നലും ഉണ്ടാകാന്‍ സാധ്യതയുണ്ട്. അസ്ഥിരമായ കാലാവസ്ഥയെക്കുറിച്ച് അധികൃതര്‍ മുന്നറിയിപ്പ് നല്‍കി. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HrBMSJlYxxE3pXHlJyWsp0
അയല്‍രാജ്യമായ ഒമാനിലെ ഒരു പര്‍വതം മഞ്ഞുമൂടിയതിനാല്‍, യുഎഇയില്‍ മഞ്ഞ് വീഴുമോ എന്ന് എന്‍സിഎം ഉദ്യോഗസ്ഥനോട് ചോദിച്ചു.”പ്രവചനത്തെ അടിസ്ഥാനമാക്കി, യുഎഇയില്‍ മഞ്ഞുവീഴ്ച ലഭിക്കില്ല, പക്ഷേ തണുത്ത കാലാവസ്ഥയും മഴയും താപനിലയില്‍ കുറവുണ്ടായേക്കാം, ‘വടക്കന്‍, കിഴക്കന്‍ എമിറേറ്റുകളില്‍ മിതമായ മഴ പ്രതീക്ഷിക്കുന്നു.’ എന്‍സിഎം വക്താവ് വിശദീകരിച്ചു.
ഒമാനിലെ ജബല്‍ ഷാംസില്‍ മഞ്ഞുവീഴ്ച ഉണ്ടായതോടെ പൂജ്യത്തിന് താഴെ താപനില രേഖപ്പെടുത്തി. യുഎഇയില്‍, താപനില ഇനിയും കുറയുകയും കൂടുതല്‍ തണുപ്പുണ്ടാകുകയും ചെയ്യും.
അതേസമയം ഫുജൈറയുടെയും ഷാര്‍ജയുടെയും ചില ഭാഗങ്ങളില്‍ ഇന്ന് നേരിയതോ മിതമായതോ ആയ മഴ ലഭിച്ചു. കിഴക്കന്‍ തീരത്ത് മഴ പെയ്യുന്നതിന്റെ വീഡിയോകള്‍ സ്റ്റോം സെന്റര്‍ പോസ്റ്റ് ചെയ്തു. ആളുകള്‍ കുടകളുമായി തെരുവുകളിലൂടെ നടക്കുന്നത് വീഡിയോയില്‍ കാണാം. ദൈര്‍ഘ്യമേറിയ ഒരു വീഡിയോയില്‍, ചെളി നിറഞ്ഞ മഴവെള്ളം താഴ്വരയിലൂടെ ഒഴുകുന്നത് കാണിക്കുന്നു.
لقطات هطول أمطار الخير صباح اليوم وجريان الشعاب على وادي مي #الامارات #منخفض_بينونة #أجمل_شتاء_في_العالم #مركز_العاصفة
— مركز العاصفة (@Storm_centre) January 24, 2023
24/01/2023 pic.twitter.com/U9zwoh5vLQ
ബുധനാഴ്ച, രാജ്യത്ത് ചില പ്രദേശങ്ങളില്‍ ഇടി മിന്നലോടെ വ്യത്യസ്ത തീവ്രതയിലുള്ള മഴ ലഭിക്കാന്‍ സാധ്യതയുണ്ട്. അസ്ഥിരമായ കാലാവസ്ഥ അടുത്ത ദിവസവും (വ്യാഴം) തുടരും. വെള്ളി, ശനി ദിവസങ്ങളിലും തീരദേശ, വടക്കന്‍, കിഴക്കന്‍ മേഖലകളില്‍ ചെറിയ തോതില്‍ മഴ ലഭിക്കും.
امطار غزيرة قبل قليل في وادي الرحيب بالساحل الشرقي من الدولة #الامارات #منخفض_بينونة #أجمل_شتاء_في_العالم #مركز_العاصفة
— مركز العاصفة (@Storm_centre) January 24, 2023
24_1_2023 pic.twitter.com/YlWm6pdXyy
അസ്ഥിരമായ കാലാവസ്ഥയില്‍ പിന്തുടരേണ്ട ടിപ്പുകള്‍
ആഭ്യന്തര മന്ത്രാലയവും ദേശീയ എമര്‍ജന്‍സി ക്രൈസിസ് ആന്‍ഡ് ഡിസാസ്റ്റേഴ്‌സ് മാനേജ്‌മെന്റ് അതോറിറ്റിയും (എന്‍സിഇഎംഎ) നിലവിലുള്ള കാലാവസ്ഥയുടെയും അതിന്റെ ഏറ്റക്കുറച്ചിലുകളുടെയും ഫലമായി ഉണ്ടാകുന്ന ഏത് അടിയന്തര സാഹചര്യത്തെയും നേരിടാന്‍ സജ്ജമാണ്. പ്രത്യേക പോസ്റ്റുകളില്‍, മന്ത്രാലയവും എന്‍സിഎമ്മും മോശം കാലാവസ്ഥയില്‍ പാലിക്കേണ്ട ടിപ്പുകള്‍ നല്‍കി:
ഔദ്യോഗിക കാലാവസ്ഥാ പ്രവചനങ്ങള്‍ പാലിക്കുക
അധികാരികള്‍ നല്‍കുന്ന നിര്‍ദ്ദേശങ്ങള്‍ പാലിക്കുക
അത്യാവശ്യമല്ലാതെ ഡ്രൈവിംഗ് ഒഴിവാക്കുക.
ആവശ്യമെങ്കില്‍, ജാഗ്രതയോടെ വാഹനമോടിക്കുക
ദൃശ്യപരത കുറയുമ്പോള്‍ ലോ-ബീം ഹെഡ്ലൈറ്റുകള്‍ ഓണാക്കുക
Comments (0)