യുഎഇ: ഏഷ്യയിലെ ജനപ്രിയ ലക്ഷ്യസ്ഥാനത്തേക്ക് പുതിയ പ്രതിദിന വിമാന സര്‍വീസ് പ്രഖ്യാപിച്ച് എയര്‍ലൈന്‍
ഏഷ്യയിലെ ജനപ്രിയ ലക്ഷ്യസ്ഥാനങ്ങളിലേക്ക് പുതിയ പ്രതിദിന വിമാന സര്‍വീസ് പ്രഖ്യാപിച്ച് എമിറേറ്റ്‌സ് എയര്‍ലൈന്‍. ദുബായില്‍ നിന്ന് ബാങ്കോക്ക് വഴി ഹോങ്കോങ്ങിലേക്ക് മറ്റൊരു പ്രതിദിന വിമാനം കൂടി ഏര്‍പ്പെടുത്തുമെന്ന് എമിറേറ്റ്‌സ് അറിയിച്ചു. റൂട്ടിലെ വര്‍ദ്ധിച്ചുവരുന്ന ഡിമാന്‍ഡ് കാരണമാണ് പുതിയ സര്‍വീസ് ആരംഭിക്കുന്നതെന്ന് എയര്‍ലൈന്‍ വ്യക്തമാക്കി. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HrBMSJlYxxE3pXHlJyWsp0
2023 മാര്‍ച്ച് 29 മുതല്‍, പുതിയ വിമാന സര്‍വീസ് ആരംഭിക്കും. ഈ സര്‍വീസ് മേഖലയില്‍ നിലവില്‍ പ്രവര്‍ത്തിക്കുന്ന പ്രതിദിന 7 ഫ്‌ലൈറ്റുകളില്‍ നിന്ന് ആഴ്ചയില്‍ 14 ഫ്‌ലൈറ്റുകളായി വര്‍ദ്ധിപ്പിക്കും. പുതുതായി ആരംഭിക്കുന്ന സര്‍വീസ് യാത്രക്കാര്‍ക്ക് നേരിട്ടോ ബാങ്കോക്കില്‍ സ്റ്റോപ്പോടെയോ പറക്കാനുള്ള അവസരം നല്‍കുന്നു.
എയര്‍ബസ് എ380 വിമാനം ഇകെ 380 വിമാനം രാവിലെ 10.45ന് ദുബായില്‍ നിന്ന് പുറപ്പെട്ട് രാത്രി 10ന് ഹോങ്കോങ്ങിലെത്തും. മടക്ക വിമാനം ഇകെ 381 ഹോങ്കോങ്ങില്‍ നിന്ന് പുലര്‍ച്ചെ 12.35 ന് പുറപ്പെട്ട് പുലര്‍ച്ചെ അഞ്ചിന് ദുബായിലെത്തും. എല്ലാ സമയവും പ്രാദേശികമാണ്. ടിക്കറ്റുകള്‍ emirates.com, എമിറേറ്റ്‌സ് ആപ്പ് അല്ലെങ്കില്‍ ട്രാവല്‍ ഏജന്റുമാര്‍ വഴി ബുക്ക് ചെയ്യാം. ഏറ്റവും പുതിയ എന്‍ട്രി ആവശ്യകതകള്‍ പരിശോധിക്കാനും എയര്‍ലൈന്‍ സഞ്ചാരികളെ പ്രോത്സാഹിപ്പിക്കുന്നു.
Comments (0)