Posted By editor Posted On

യുഎഇ തണുത്ത് വിറയ്ക്കുന്നു; ഇനി കുളിരണിയുന്ന നാളുകള്‍

യുഎഇ കടുത്ത തണുപ്പിലേക്ക് കടക്കുന്നു. ശൈത്യകാലത്തിന്റെ ഏറ്റവും തീവ്രമായ കാലഘട്ടം ജനുവരി പകുതിയോടെ ആരംഭിക്കുമെന്ന് എമിറേറ്റ്‌സ് അസ്‌ട്രോണമി സൊസൈറ്റി അറിയിച്ചു. ഇക്കാലയളവില്‍ കടുത്ത തണുപ്പും പര്‍വതപ്രദേശങ്ങളില്‍ താപനില 5 ഡിഗ്രി സെല്‍ഷ്യസില്‍ താഴെ താഴുകയും ചെയ്യും. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HrBMSJlYxxE3pXHlJyWsp0
ജനുവരി 12 നും ജനുവരി 16 നും ഇടയിലുള്ള കാലയളവ് അല്‍ ഡ്രൂര്‍ സമ്പ്രദായത്തിന്റെ ഗള്‍ഫ് പൈതൃക കലണ്ടറില്‍ ശൈത്യകാലത്തിന്റെ ഏറ്റവും ഉയര്‍ന്ന സമയമാണെന്ന് അധികൃതര്‍ പറഞ്ഞു. ‘കടുത്ത തണുപ്പിന്റെ കാലഘട്ടം’ എന്നാണ് ഈ ദിവസങ്ങള്‍ക്ക് പറയുന്നത്. ഈ കാലഘട്ടമാണ് അറേബ്യന്‍ പെനിന്‍സുല മേഖലയിലെ ശൈത്യകാലം ഏറ്റവും താഴ്ന്ന താപനിലയില്‍ എത്തുകയും, മരുഭൂമികളില്‍ 5 ഡിഗ്രി സെല്‍ഷ്യസില്‍ താഴെ എത്തുകയും ഉയര്‍ന്ന പര്‍വതപ്രദേശങ്ങളില്‍ 0 ഡിഗ്രി സെല്‍ഷ്യസില്‍ താഴെ എത്തുകയും ചെയ്യുന്നതെന്ന് എമിറേറ്റ്സ് അസ്ട്രോണമിക്കല്‍ സൊസൈറ്റിയുടെ ഡയറക്ടര്‍ ബോര്‍ഡ് ചെയര്‍മാന്‍ ഇബ്രാഹിം അല്‍ ജര്‍വാന്‍ പറഞ്ഞു. ഈ കാലയളവ് പത്ത് ദിവസം നീണ്ടുനില്‍ക്കും.

ഈ സമയങ്ങളില്‍, രാവിലെ മൂടല്‍മഞ്ഞ് അനുഭവപ്പെട്ടേക്കാം. അല്‍ അന്‍വയിലെ ജനങ്ങളെ സംബന്ധിച്ചിടത്തോളം, ജനുവരി 15 ശീതകാലത്തിന്റെ രണ്ടാം സീസണിന്റെ തുടക്കത്തെ അടയാളപ്പെടുത്തുന്നു. ഈ കാലയളവില്‍, എല്ലാ തീരപ്രദേശങ്ങളിലെയും താപനില 23 ° C മുതല്‍ 11 ° C വരെയാണ്, ചിലപ്പോള്‍ ഇത് മരുഭൂമിയിലെ ചില പ്രദേശങ്ങളില്‍ 5 °C വരെയും പര്‍വതശിഖരങ്ങളില്‍ 0 °C വരെയും താഴുന്നു.
ഈ കാലങ്ങളിലാണ് ആണ്‍ ഈന്തപ്പന (അല്‍ ഫഹല്‍) പൂക്കാന്‍ തുടങ്ങുക, കൂടാതെ പഴങ്ങളുടെയും സിട്രസ് മരങ്ങളുടെയും ഉണങ്ങലിന്റെ കാലഘട്ടം അവസാനിക്കും. നാരങ്ങ പൂക്കള്‍ (അല്‍ ബെയ്ല്‍) പ്രത്യക്ഷപ്പെടാന്‍ തുടങ്ങുന്നു. ജനുവരി 15 ന് പുലര്‍ച്ചെ അല്‍-നഈം നക്ഷത്രങ്ങള്‍ പ്രത്യക്ഷപ്പെടുന്നതിലൂടെയാണ് ഈ കാലം തുടങ്ങുന്നത്. ഈ കാലയളവ് ഏകദേശം 26 ദിവസത്തേക്ക് തുടരുന്നു, അതിനുശേഷം സാദ് അല്‍ ദബയിലെ നക്ഷത്രമായ സൗദിലെ ആദ്യ നക്ഷത്രങ്ങള്‍ പ്രത്യക്ഷപ്പെടുന്നതോടെ ഇതിന്റെ തീവ്രത കുറയുന്നു. ഫെബ്രുവരി 10 നാണിത് സംഭവിക്കുക.

Comments (0)

Leave a Reply

Your email address will not be published. Required fields are marked *