supermarket 24 hours dubai : സൂപ്പര്‍മാര്‍ക്കറ്റിലെ ക്യൂവില്‍ നിന്ന് കളയുന്ന സമയം ലഭിക്കാന്‍ മികച്ച പരിഹാരവുമായി യുഎഇയിലെ വിദ്യാര്‍ത്ഥികള്‍
നാട്ടിലേക്കുള്ള വിമാന ടിക്കറ്റ് നിരക്കുകള്‍ പരിശോധിക്കാം
യുഎഇ ഷോപ്പര്‍മാര്‍ക്ക് സൂപ്പര്‍മാര്‍ക്കറ്റുകളില്‍ ചെലവഴിക്കുന്നത് വഴി അവരുടെ വിലയേറിയ സമയം നഷ്ടപ്പെടാറുണ്ട്. സൂപ്പര്‍മാര്‍ക്കറ്റിലെ supermarket 24 hours dubai ക്യൂവില്‍ നിന്ന് വെറുതെ കളയുന്ന ഈ സമയം ലഭിക്കാന്‍ മികച്ച പരിഹാരവുമായി എത്തിയിരിക്കുകയാണ് യുഎഇയിലെ വിദ്യാര്‍ത്ഥികള്‍. ഉപഭോക്താക്കള്‍ക്ക് സ്വയം പ്രവര്‍ത്തിപ്പിക്കാന്‍ സാധിക്കുന്ന സെല്‍ഫ് സര്‍വീസ് സ്മാര്‍ട്ട് സ്‌കെയില്‍ നാല് യൂണിവേഴ്‌സിറ്റി വിദ്യാര്‍ത്ഥികള്‍ വികസിപ്പിച്ചെടുത്തിട്ടുണ്ട്. പ്രത്യേകിച്ച് പഴം, പച്ചക്കറി വിഭാഗങ്ങളില്‍ ഉപയോഗിക്കാന്‍ സാധിക്കുന്നവയാണിത്. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HrBMSJlYxxE3pXHlJyWsp0
യുഎഇ യൂണിവേഴ്സിറ്റിയിലെ കോളേജ് ഓഫ് ഇന്‍ഫര്‍മേഷന്‍ ടെക്നോളജിയിലെ വിദ്യാര്‍ത്ഥികളായ സാറാ അല്‍ ഹബ്സി, സാറ അല്‍ കാബി, നൂറ അല്‍ അമേരി, അധാരി അല്‍ അഹ്ബാബി എന്നിവര്‍ ചേര്‍ന്നാണ് സ്മാര്‍ട്ട് സ്‌കെയില്‍ സംവിധാനം വികസിപ്പിച്ചത്. ഈ സ്‌കെയിലിന് പഴങ്ങളും പച്ചക്കറി ഉല്‍പ്പന്നങ്ങളും സ്‌കാന്‍ ചെയ്യാനും ഭാരം അളക്കാനും ഇനങ്ങളുടെ വില കണക്കാക്കാനും കഴിയും. തുടര്‍ന്ന് കൗണ്ടറിലെ സാധനങ്ങള്‍ വാങ്ങുന്നയാള്‍ക്ക് എത്ര പണം നല്‍കണമെന്ന് അത് അറിയിക്കുന്നു.
ഉപഭോക്താവ് അവര്‍ വാങ്ങാന്‍ ആഗ്രഹിക്കുന്ന ഇനങ്ങള്‍ തിരഞ്ഞെടുക്കുകയും ഔട്ട്ലെറ്റിന്റെ വില്‍പ്പന സംവിധാനത്തില്‍ ഉള്‍പ്പെടുത്തുകയും ഉല്‍പ്പന്നങ്ങള്‍ ബാഗുകളില്‍ ഇടുകയും ചെയ്യുന്നുവെന്ന് അല്‍ കാബി എന്ന വിദ്യാര്‍ത്ഥി വിശദീകരിച്ചു.”സ്മാര്‍ട്ട് ഉപകരണം ഉടന്‍ തന്നെ ഒരു ക്യാമറയിലൂടെ ബാഗിന്റെ ചിത്രമെടുക്കുകയും തുടര്‍ന്ന് വാങ്ങിയത് തിരിച്ചറിയുകയും ചെയ്യുന്നു,” അവര്‍ പറഞ്ഞു.
ഡാറ്റാബേസില്‍ സംരക്ഷിച്ചിരിക്കുന്ന വിലയും തൂക്കവും ഉപയോഗിച്ച് സിസ്റ്റം ഉല്‍പ്പന്നത്തിന്റെ വില കണക്കാക്കുന്നു. തുടര്‍ന്ന് സ്‌ക്രീനില്‍ ഇനത്തിന്റെ പേരും തൂക്കവും വിലയും പ്രദര്‍ശിപ്പിക്കുകയും വില ടാഗ് പ്രിന്റ് ചെയ്ത് പ്ലാസ്റ്റിക് കവറില്‍ സ്ഥാപിക്കാന്‍ ഉപഭോക്താവിനോട് ആവശ്യപ്പെടുകയും ചെയ്യുന്നു.
Comments (0)