insurance against job loss : യുഎഇ തൊഴില്‍ നഷ്ട ഇന്‍ഷുറന്‍സ്; വരിക്കാരാകാത്തവരില്‍ നിന്ന് പിഴ തുക ഈടാക്കുന്ന മാര്‍ഗങ്ങള്‍ ഇവയൊക്കെ
നാട്ടിലേക്കുള്ള വിമാന ടിക്കറ്റ് നിരക്കുകള്‍ പരിശോധിക്കാം
ഫെഡറല്‍ ഗവണ്‍മെന്റ് ഡിപ്പാര്‍ട്ട്മെന്റുകളിലെയും സ്വകാര്യമേഖലയിലെ കമ്പനികളിലെയും എല്ലാ ജീവനക്കാരും യുഎഇയുടെ തൊഴിലില്ലായ്മ ഇന്‍ഷുറന്‍സ് സ്‌കീമിലേക്ക് സബ്സ്‌ക്രൈബു ചെയ്യേണ്ടത് നിര്‍ബന്ധമാണ്. പദ്ധതിയില്‍ വരിക്കാരാകുന്നത് insurance against job loss 2023 ജനുവരി 1-ന് ആരംഭിച്ചു. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HrBMSJlYxxE3pXHlJyWsp0 ജീവനക്കാര്‍ 2023 ജൂണ്‍ 30-ന് മുമ്പ് സ്‌കീം സബ്സ്‌ക്രൈബ് ചെയ്യണം, ഇല്ലെങ്കില്‍ 400 ദിര്‍ഹം പിഴ ഈടാക്കും.
”നിശ്ചിത തീയതി മുതല്‍ മൂന്ന് മാസത്തേക്ക് പിഴ അടയ്ക്കുന്നതില്‍ പരാജയപ്പെടുന്ന തൊഴിലാളികള്‍/ജീവനക്കാര്‍ എന്നിവരില്‍ നിന്ന് വേതന സംരക്ഷണ സംവിധാനം വഴി പിഴ തുക അവരുടെ വേതനത്തില്‍ നിന്ന് കുറയ്ക്കും. ഗ്രാറ്റുവിറ്റി, അല്ലെങ്കില്‍ മന്ത്രാലയം (മാനവ വിഭവശേഷി, എമിറേറ്റൈസേഷന്‍) സ്വീകാര്യമെന്ന് കരുതുന്ന മറ്റേതെങ്കിലും ഇതര രീതി വഴിയും പിഴതുക ഈടാക്കിയേക്കാം” പിഴ ഈടാക്കുന്നത് സംബന്ധിച്ച് മന്ത്രാലയത്തിന്റെ നിയമത്തില്‍ പറയുന്നു. നിര്‍ദ്ദിഷ്ട സമയപരിധിക്കുള്ളില്‍ എല്ലാ പിഴകളും അടയ്ക്കുന്നതുവരെ ജീവനക്കാരന് പുതിയ വര്‍ക്ക് പെര്‍മിറ്റിന് അര്‍ഹതയില്ലെന്നും നിയമത്തില്‍ വ്യക്തമാക്കുന്നു.
മറ്റ് പിഴകള്‍
നിശ്ചിത തീയതി മുതല്‍ മൂന്ന് മാസത്തില്‍ കൂടുതല്‍ ഇന്‍ഷുറന്‍സ് പ്രീമിയം അടയ്ക്കുന്നതില്‍ പരാജയപ്പെട്ടാല്‍, ഇന്‍ഷുറന്‍സ് സര്‍ട്ടിഫിക്കറ്റ് റദ്ദാക്കുകയും 200 ദിര്‍ഹം പിഴ ചുമത്തുകയും ചെയ്യും.
തൊഴിലില്ലായ്മ ഇന്‍ഷുറന്‍സ് ആനുകൂല്യങ്ങള്‍ ലഭിക്കുന്നതിന് തൊഴിലുടമ ഇന്‍ഷ്വര്‍ ചെയ്തയാളുമായി ഒത്തുകളിക്കുകയാണെങ്കില്‍, ഓരോ കേസിനും മന്ത്രാലയം 20,000 ദിര്‍ഹം എന്ന അഡ്മിനിസ്‌ട്രേറ്റീവ് പിഴ ചുമത്തും.
എങ്ങനെയാണ് പിഴ അടയ്ക്കേണ്ടത്
MOHRE വെബ്സൈറ്റ്, ആപ്പ്, മന്ത്രാലയം അംഗീകരിച്ച ബിസിനസ്സ് സേവന കേന്ദ്രങ്ങള്‍ എന്നിവ വഴി ജീവനക്കാര്‍ക്ക് പിഴ അടയ്ക്കാം. തവണകളായി പണമടയ്ക്കുന്നതിന് അപേക്ഷിക്കാം അല്ലെങ്കില്‍ അതേ ചാനലുകള്‍ വഴി എഴുതിത്തള്ളല്‍ അഭ്യര്‍ത്ഥിക്കാം.
നഷ്ടപരിഹാരത്തിനുള്ള വ്യവസ്ഥകള്‍
നഷ്ടപരിഹാരത്തിന് അര്‍ഹത നേടുന്നതിന്, ജീവനക്കാര്‍ കുറഞ്ഞത് 12 മാസമെങ്കിലും സ്‌കീമില്‍ വരിക്കാരായിരിക്കണം. ഇതിനര്‍ത്ഥം 2023 ജനുവരിയില്‍ സ്‌കീമിനായി സൈന്‍ അപ്പ് ചെയ്യുന്ന ജീവനക്കാര്‍ 2024 ജനുവരിയിലോ ശേഷമോ ജോലി നഷ്ടപ്പെടുന്ന സാഹചര്യത്തില്‍ നഷ്ടപരിഹാരത്തിന് അര്‍ഹരാകും എന്നാണ്.
മറ്റ് വ്യവസ്ഥകള്‍ ഇവയൊക്കെ
ഇന്‍ഷ്വര്‍ ചെയ്തയാള്‍ നിയമപരമായ താമസക്കാരനായിരിക്കണം
എല്ലാ ഇന്‍ഷുറന്‍സ് പ്രീമിയങ്ങളും അടച്ചിരിക്കണം
രാജി ഒഴികെയുള്ള കാരണങ്ങളാലാണ് തൊഴിലില്ലായ്മ ഉണ്ടായതെന്നതിന് തെളിവ് ഹാജരാക്കണം
അച്ചടക്ക കാരണങ്ങളാല്‍ പിരിച്ചുവിട്ട ആളാകരുത്
30 ദിവസത്തിനകം ക്ലെയിം സമര്‍പ്പിക്കണം
Comments (0)