fuel price ഞങ്ങള്‍ ഞങ്ങളുടെ യാത്ര ആരംഭിക്കുന്നു; ഇന്ധന വില കുറഞ്ഞതോടെ ദീര്‍ഘദൂര യാത്ര ആസ്വദിച്ച് യുഎഇ ഈ നിവാസികള്‍
യുഎഇയില്‍ ഇന്ധനവില കുറഞ്ഞു. 11 മാസത്തിനിടയിലെ fuel price ഏറ്റവും കുറഞ്ഞ വിലയാണ് ഇപ്പോഴുള്ളത്. എണ്ണയുടെ വില കുറഞ്ഞതോടെ ദീര്‍ഘദൂര യാത്രകളിലോ മരുഭൂമിയിലെ യാത്രകളിലോ ഏര്‍പ്പെട്ടിരിക്കുകയാണ് യുഎഇയിലെ ജനങ്ങള്‍. രാജ്യത്ത് ശൈത്യകാലത്ത് സന്ദര്‍ശിക്കാന്‍ കഴിയുന്ന നിരവധി സ്ഥലങ്ങള്‍ ആണുള്ളത്.വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HrBMSJlYxxE3pXHlJyWsp0 ഷാര്‍ജയില്‍ ജോലിചെയ്യുന്ന പാക്കിസ്ഥാന്‍ പൗരനായ റിസ്വാന്‍ മാലിക് ലോങ്ങ് ഡ്രൈവുകള്‍ ഏറെ ഇഷ്ടപ്പെടുന്ന ഒരു ആളാണ്. ആദ്യമൊക്കെ സുഹൃത്തുങ്ങളുമായി പത്തോ പതിനഞ്ചോ ദിവസത്തില്‍ ഒരിക്കല്‍ മാത്രമാണ് യാത്ര പോയിരുന്നതെങ്കില്‍ ഇപ്പോള്‍ ഇന്ധന വില കുറഞ്ഞതോടെ ആഴ്ചയില്‍ ഒന്നും രണ്ടും യാത്രകള്‍ ചെയ്യുകയാണ് എന്നാണ് അദ്ദേഹം പറയുന്നത്. തന്റെ പ്രതിമാസം ഇന്ധന ചെലവ് ഏകദേശം 500 ദിര്‍ഹമായി കുറഞ്ഞതിനാല്‍ തന്റെ കീശകാലി ആവാതെ ഇഷ്ടമുള്ള സ്ഥലങ്ങള്‍ എല്ലാം ആസ്വദിക്കാന്‍ കഴിയുന്നു എന്നും അദ്ദേഹം പറഞ്ഞു.
പുറത്തേക്ക് പോകുമ്പോള്‍ തങ്ങളുടെ ലക്ഷ്യസ്ഥാനത്തെ കുറച്ചു ചിന്തയില്ല യാത്ര ആരംഭിച്ചതിന് ശേഷമാണ് എവിടെ എത്തണമെന്ന് ചിന്തിക്കാറുള്ളത് അതിനനുസൃതമായ വളരെ മനോഹരമായ കാലാവസ്ഥയാണ് ഇപ്പോഴെന്നും മാലിക് വിശദീകരിച്ചു.അല്‍ ഖുദ്ര തടാകം, ജബല്‍ ജെയ്സ്, ജബല്‍ ഹഫീത്, അജ്മാനിലെയും റാസല്‍ഖൈമയിലെയും മരുഭൂമികള്‍ എന്നിവയാണ് മാലിക്കിന്റെ ക്യാമ്പ് ചെയ്യാന്‍ ഇഷ്ടപ്പെടുന്ന ചില സ്ഥലങ്ങള്‍.
ജനുവരിയിലെ റീട്ടെയില്‍ ഇന്ധനവില വെള്ളിയാഴ്ച (ഡിസംബര്‍ 30) യുഎഇ പ്രഖ്യാപിച്ചു. ലിറ്ററിന് 52 ഫില്‍സ് വരെയാണ് വില കുറഞ്ഞത്. സൂപ്പര്‍ 98 പെട്രോള്‍ ലിറ്ററിന് 2.78 ദിര്‍ഹമാണ്, ഡിസംബറിലെ 3.30 ദിര്‍ഹവുമായി താരതമ്യം ചെയ്യുമ്പോള്‍. സ്പെഷ്യല്‍ 95 പെട്രോള്‍ ലിറ്ററിന് 2.67 ദിര്‍ഹമായി കുറഞ്ഞു, ഡിസംബറിലെ 3.18 ദിര്‍ഹത്തെ അപേക്ഷിച്ച്.ഗവണ്‍മെന്റ് പ്രാദേശിക ഇന്ധനവില ആഗോള എണ്ണവിലയുമായി ബന്ധിപ്പിച്ചതിനാല്‍ 2015 ഓഗസ്റ്റില്‍ യുഎഇയില്‍ പെട്രോള്‍ വില നിയന്ത്രണം എടുത്തുകളഞ്ഞു. പ്രതിമാസ ഇന്ധനവില അവലോകനം ചെയ്യാന്‍ സമിതിയെ നിയോഗിച്ചിട്ടുണ്ട്.
‘പരുക്കന്‍ ഭൂപ്രദേശങ്ങളില്‍ വാഹനമോടിക്കാന്‍ ചില വാഹന സ്‌പെസിഫിക്കേഷനുകള്‍ പാലിക്കേണ്ടതിനാല്‍ ഞാന്‍ എന്റെ കാറില്‍ വരുത്തിയ പരിഷ്‌കാരങ്ങള്‍ക്ക് വളരെയധികം ചിലവുണ്ട്. എന്നിരുന്നാലും, ഈ മാസത്തെ ഇന്ധന വിലയിലെ ഇടിവ് എന്റെ പോക്കറ്റ് കാലിയാകാതെ നോക്കി.മറ്റൊരു യാത്ര പ്രേമിയായ ഹബ്ഷാന്‍ അബ്ദുള്‍ കലാം പറഞ്ഞു.
‘പെട്രോള്‍ വില കുറയുന്നത് കേട്ടപ്പോള്‍ സന്തോഷം തോന്നി. സൗദി അതിര്‍ത്തിക്കടുത്തുള്ള മരുഭൂമി, അസബ്, ലിവ തുടങ്ങിയ സ്ഥലങ്ങളില്‍ എത്താന്‍ ഞങ്ങള്‍ നേരത്തെ തന്നെ പദ്ധതിയിട്ടിട്ടുണ്ട്,” കലാം കൂട്ടിച്ചേര്‍ത്തു.
അറേബ്യന്‍ മോട്ടോഴ്സില്‍ ജോലി ചെയ്യുന്ന സെയില്‍സ് എക്സിക്യൂട്ടീവായ മുഹമ്മദ് ഷെരീഫ്, വടക്കന്‍ എമിറേറ്റുകളിലെ സുഹൃത്തുക്കളെയും കസിന്‍സിനെയും കാണാന്‍ ഏറെ നാളായി ആഗ്രഹിച്ചിരുന്നു. നേരത്തെ, വാരാന്ത്യങ്ങള്‍ അവരോടൊപ്പം ചെലവഴിക്കാറുണ്ടായിരുന്നു, എന്നാല്‍ ഇപ്പോള്‍ അവിടെ പതിവായി പോകുന്നത് ചെലവേറിയതിനാല്‍ ഏകദേശം രണ്ട് മാസത്തോളമായി അവന്‍ അവരെ കണ്ടില്ല.
”ഇത് പുതുവര്‍ഷത്തിനുള്ള മികച്ച സമ്മാനമാണ്. ഇന്ധനവിലയിലെ ഇടിവും തണുത്ത കാലാവസ്ഥയും തീര്‍ച്ചയായും വടക്കന്‍ എമിറേറ്റുകളിലേക്കുള്ള കൂടുതല്‍ യാത്രകള്‍ സുഗമമാക്കും,’ ഷെരീഫ് പറഞ്ഞു.
Comments (0)