നാട്ടിലേക്കുള്ള വിമാന ടിക്കറ്റ് നിരക്കുകള്‍ പരിശോധിക്കാം
അജ്മാനിലെ ബസ് ചാര്‍ജ് സംവിധാനത്തില്‍ മാറ്റം വരുന്നു. ജനുവരി 23 മുതല്‍ ബസ് നിരക്കുകള്‍ ഏകീകരിക്കുമെന്ന് അജ്മാന്‍ ട്രാന്‍സ്പോര്‍ട്ട് അതോറിറ്റി അറിയിച്ചു. ദുബായിലേക്ക് പോകുന്ന ബസുകള്‍ ഒഴികെയുള്ള എല്ലാ ബസ് നിരക്കുകളും bus service മാറുമെന്ന് അതോറിറ്റിയുടെ കോള്‍ സെന്റര്‍ എക്സിക്യൂട്ടീവ് അറിയിച്ചു. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HrBMSJlYxxE3pXHlJyWsp0
പൊതു ബസുകള്‍ക്കുള്ള അജ്മാന്‍ പേയ്മെന്റ് കാര്‍ഡാണ് മസാര്‍ കാര്‍ഡ്. കാര്‍ഡുകള്‍ ഓണ്‍ലൈനായോ ബസ് സ്റ്റേഷനുകളില്‍ നേരിട്ടോ ടോപ്പ് അപ്പ് ചെയ്യാം. കാര്‍ഡ് കൈവശമുള്ള യാത്രക്കാര്‍ പണമടയ്ക്കുന്നവര്‍ക്കുള്ള അതേ നിരക്കും നല്‍കും. നിലവില്‍, ബസ് ചാര്‍ജ്ജ് മാസാര്‍ കാര്‍ഡ് ഉപയോഗിച്ച് 3 ദിര്‍ഹത്തിലും പണമായി 5 ദിര്‍ഹത്തിലും ആരംഭിക്കുന്നതാണ്.
മാസ്‌കാര്‍ഡ് കൈവശമുള്ള വിദ്യാര്‍ത്ഥികള്‍ക്ക് 30 ശതമാനം ഇളവ് ഇന്നലെ അതോറിറ്റി പ്രഖ്യാപിച്ചിരുന്നു. പൊതു ബസുകള്‍ ഉപയോഗിക്കാന്‍ വിദ്യാര്‍ത്ഥികളെ പ്രോത്സാഹിപ്പിക്കാനാണ് ഈ നീക്കം ലക്ഷ്യമിടുന്നതെന്ന് അതോറിറ്റി പങ്കിട്ട സോഷ്യല്‍ മീഡിയ പോസ്റ്റില്‍ പറയുന്നു. ഒരു മസാര്‍ കാര്‍ഡിന് 25 ദിര്‍ഹമാണ് വില. ഇതില്‍ 20 ദിര്‍ഹം ബാലന്‍സ് ലഭിക്കും. ഷെയ്ഖ് അബ്ദുല്ല ബിന്‍ റാഷിദ് അല്‍ നുഐമി സ്ട്രീറ്റിലെ അജ്മാന്‍ സെന്‍ട്രല്‍ ബസ് സ്റ്റേഷന്‍ സന്ദര്‍ശിച്ച് കാര്‍ഡ് സ്വന്തമാക്കാം. മാസ്സര്‍ കാര്‍ഡിന് വേണ്ടി അതോറിറ്റിയുടെ ഔദ്യോഗിക വെബ്സൈറ്റ് ആയ www.ta.gov.ae എന്ന സൈറ്റിലൂടെ അപേക്ഷിക്കാവുന്നതാണ്.
സെന്‍ട്രല്‍ ബസ് സ്റ്റേഷനില്‍ എങ്ങനെ അപേക്ഷിക്കാം
കൗണ്ടറില്‍ എമിറേറ്റ്സ് ഐഡിയും മറ്റ് രേഖകളും നല്‍കുക
പണമടച്ചതിന് ശേഷം കാര്‍ഡ് സ്വീകരിക്കുകയും നിങ്ങളുടെ ആവശ്യങ്ങള്‍ക്കനുസരിച്ച് ചാര്‍ജ് ചെയ്യുകയും ചെയ്യുക
ഓണ്‍ലൈനായി അപേക്ഷിക്കുന്നതിനുള്ള മാര്‍ഗ്ഗനിര്‍ദ്ദേശം ചുവടെ
ഔദ്യോഗിക വെബ്‌സൈറ്റില്‍ പോയി Massar Card Request തിരഞ്ഞെടുക്കുക
എമിറേറ്റ്സ് ഐഡി വിശദാംശങ്ങള്‍ നല്‍കി അപേക്ഷാ ഫോമിലേക്ക് പോകുക
വിശദാംശങ്ങള്‍ പൂര്‍ത്തിയാക്കിയ ശേഷം ഡോക്യുമെന്റുകള്‍ അപ്ലോഡ് ചെയ്യുക
എമിറേറ്റ്സ് ഐഡിയുടെ പകര്‍പ്പും സമീപകാല ഫോട്ടോയും അപ്ലോഡ് ചെയ്യുക
അപേക്ഷ സമര്‍പ്പിക്കുക
നിങ്ങളുടെ രജിസ്റ്റര്‍ ചെയ്ത ഇമെയില്‍ ഐഡിയിലേക്ക് ഒരു സ്ഥിരീകരണ മെയില്‍ അയയ്ക്കും
സ്ഥിരീകരണ മെയിലിന്റെ പ്രിന്റൗട്ട് എടുത്ത് അജ്മാന്‍ സെന്‍ട്രല്‍ ബസ് സ്റ്റേഷന്‍ സന്ദര്‍ശിക്കുക
പേയ്മെന്റ് നടത്തി നിങ്ങളുടെ മാസ്സര്‍ കാര്‍ഡ് സ്വീകരിക്കുക
