ഖത്തര്‍ ലോകകപ്പ് ഇനി മൊബൈലില്‍ കാണാം
തന്റെ പ്രിയപ്പെട്ട ഫുട്‌ബോള്‍ ടീമായ അര്‍ജന്റീന സൗദി അറേബ്യയോട് തോറ്റതിന് ശേഷം ധീരമായി പ്രതികരിച്ച ആരാധകന്റെ argentina fan വീഡിയോ വൈറലായിരുന്നു. നാട്ടില്‍ വാഹനമുള്ളവര്‍ക്ക് ഇക്കാര്യം ഏറെ ഉപകാരപ്രദമാകും ആ കുട്ടി ആരാധകനെ അര്‍ജന്റീനയുടെ കളി കാണാന്‍ ഖത്തറിലെത്തിച്ചിരിക്കുകയാണ് ദുബായ് ആസ്ഥാനമായുള്ള ട്രാവല്‍ ഏജന്‍സി. സ്മാര്‍ട്ട് ട്രാവല്‍സാണ് എട്ടാം ക്ലാസുകാരന്‍ മുഹമ്മദ് നിബ്രാസിനെ ഖത്തറിലേക്ക് കൊണ്ടുപോയത്. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/IBFDilSCKtpAJ3aC9hCcT8 ക്വാര്‍ട്ടര്‍ ഫൈനല്‍ പോരാട്ടത്തില്‍ അര്‍ജന്റീന നെതര്‍ലന്‍ഡിനെ നേരിടുന്നത് മുഹമ്മദ് നിബ്രാസ് കണ്‍നിറയെ കാണും.
”എനിക്ക് അര്‍ജന്റീനയുടെ മത്സരം തത്സമയം കാണാന്‍ കഴിയുമെന്ന് ഞാന്‍ ഒരിക്കലും കരുതിയിരുന്നില്ല,” ആവേശഭരിതനായ 13 വയസ്സുകാരന്‍ പറഞ്ഞു. ”എന്റെ പ്രിയപ്പെട്ട കളിക്കാരന്‍ മെസ്സിയാണ്. അദ്ദേഹം സ്‌കോര്‍ ചെയ്യുന്നത് കാണാന്‍ കഴിയുമെന്ന് ഞാന്‍ പ്രതീക്ഷിക്കുന്നു. ഈ ആഴ്ച ആദ്യം ദുബായില്‍ വന്നിറങ്ങിയ നിബ്രാസ് വെള്ളിയാഴ്ച രാത്രി റോഡ് മാര്‍ഗം ഖത്തറിലേക്ക് പോകുകയായിരുന്നു.
നവംബര്‍ 22 ന് സൗദി അറേബ്യയോട് അര്‍ജന്റീന 2-1 ന് ഞെട്ടിക്കുന്ന തോല്‍വി ഏറ്റുവാങ്ങിയതിന് ശേഷം, കാസര്‍ഗോഡ് ജില്ലയിലെ തൃക്കരിപ്പൂര്‍ പട്ടണത്തില്‍ നിന്നുള്ള നിബ്രാസിനെ സുഹൃത്തുക്കള്‍ നിരന്തരം കളിയാക്കി. അതിനെതിരെ ആത്മവിശ്വാസത്തോടെ പ്രതികരിക്കുന്ന നിബ്രാസിന്റെ വീഡിയോ വൈറലായിരുന്നു.
‘അവരെല്ലാം ബ്രസീല്‍ ആരാധകരാണ്, തന്റെ അയല്‍വാസിയായ ഫവാസിനെക്കുറിച്ചും വീഡിയോ ഷൂട്ട് ചെയ്ത് സോഷ്യല്‍ മീഡിയയില്‍ പോസ്റ്റ് ചെയ്ത സുഹൃത്തുക്കളെക്കുറിച്ചും നിബ്രാസ് പറഞ്ഞു. ”അവര്‍ എന്നെ റെക്കോര്‍ഡ് ചെയ്യുന്നുവെന്ന് എനിക്ക് മനസ്സിലായില്ല, സോഷ്യല്‍ മീഡിയയില്‍ പോസ്റ്റ് ചെയ്തതിന് തൊട്ടുപിന്നാലെ ആ വീഡിയോ വൈറലായി. തുടക്കത്തില്‍ വീഡിയോ പോസ്റ്റ് ചെയ്തതില്‍ ഞാന്‍ ദേഷ്യപ്പെട്ടിരുന്നു, എന്നാല്‍ ഇപ്പോള്‍ അതിന് ഞാന്‍ സന്തോഷവാനാണ്” കുട്ടി അര്‍ജന്റീന ആരാധകന്‍ പറയുന്നു. ഫുട്‌ബോള്‍ കളിക്കാരനായ നിബ്രാസ് തന്റെ സ്‌കൂള്‍ ഫുട്‌ബോള്‍ ടീമിലെ അംഗമാണ്. സെന്റര്‍ ഫോര്‍വേഡ് കളിക്കാനാണ് അവന് ഇഷ്ടം.
നിബ്രാസിന്റെ മനോഭാവമാണ് തന്നെ ഏറെ ആകര്‍ഷിച്ചതെന്ന് സ്മാര്‍ട്ട് ട്രാവല്‍സ് ഉടമ അഫി അഹമ്മദ് പറഞ്ഞു. ”തോല്‍വിയുടെ മുഖത്ത് പോലും, തന്റെ ടീം തിരിച്ചുവരുമെന്നും മികച്ച പ്രകടനം നടത്തുമെന്നും അവന് ആത്മവിശ്വാസത്തിലായിരുന്നു,” അദ്ദേഹം പറഞ്ഞു. ”നിബ്രാസിന്റെ ചെറുപ്പത്തിലെ തന്നെയുള്ള ആ പോസിറ്റീവ് മനോഭാവം ശരിക്കും എന്റെ ശ്രദ്ധ പിടിച്ചുപറ്റി. അതിനാലാണ് അവനെ കളികാണാന്‍ ഖത്തറിലേക്ക് കൊണ്ടുവരാന്‍ ഞാന്‍ തീരുമാനിച്ചതെന്നും അദ്ദേഹം കൂട്ടിച്ചേര്‍ത്തു.
