uae cyber fraud
Posted By Editor Posted On

uae cyber fraud: യുഎഇ: സൈബര്‍ തട്ടിപ്പ് വര്‍ധിക്കുന്നു; കെണിയില്‍ പെടാതിരിക്കാന്‍ കരുതിയിരിക്കുക

 നാട്ടിലേക്ക് വിളിക്കാൻ യുഎഇയിൽ അനുവദനീയമായ ഏഴ് ആപ്പുകൾ ഇവയൊക്കെയാണ് ഷാര്‍ജ : യുഎഇയില്‍ സൈബര്‍ തട്ടിപ്പ് (uae cyber fraud) വര്‍ധിക്കുന്നു. ലീഗല്‍ നോട്ടിഫിക്കേഷന്‍ എന്നപേരിലാണ് സന്ദേശമെത്തുന്നത്. ഇടതുഭാഗത്ത് ഇംഗ്‌ളീഷിലും വലതുവശത്ത് അറബിയിലുമുള്ള സന്ദേശത്തില്‍ എമിറേറ്റ്‌സ് ഐ.ഡി. , എ.ടി.എം. കാര്‍ഡ് നമ്പറുകള്‍, രഹസ്യ പിന്‍നമ്പറുകള്‍ തുടങ്ങിയവയാണ് തട്ടിപ്പുകാര്‍ ആവശ്യപ്പെടുന്നത്. ദുബായ് പോലീസിന്റെ പേരിലും പലര്‍ക്കും വിളിയെത്തുന്നുണ്ട്. ഭൂരിഭാഗം ആളുകളുടെയും കൃത്യമായ വിവരങ്ങള്‍ അറിഞ്ഞശേഷമാണ് തട്ടിപ്പുകാര്‍ വിളിക്കുന്നതെന്നത് തട്ടിപ്പിന്റെ ആഴം വ്യക്തമാക്കുന്നു. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/DiZTwvtyzhr4PtEGcMKxHO
”നിങ്ങളുടെ എ.ടി.എം. കാര്‍ഡ് ബ്ലോക്ക് ചെയ്തിരിക്കുന്നു. കാരണം വിസാ വിവരങ്ങള്‍ കൃത്യമായി അപ്‌ഡേറ്റ് ചെയ്തിട്ടില്ല. മേലില്‍ കാര്‍ഡ് പ്രവര്‍ത്തിക്കണമെങ്കില്‍ താഴെകാണുന്ന ഹെല്‍പ് ലൈന്‍ മൊബൈല്‍ നമ്പറില്‍ വിളിക്കുക” യു.എ.ഇ. സെന്‍ട്രല്‍ ബാങ്കിന്റെ പേരില്‍ ദിനംപ്രതി പലര്‍ക്കും ലഭിക്കുന്ന സന്ദേശമാണിത്. ഓരോരുത്തര്‍ക്കും ലഭിക്കുന്ന സന്ദേശത്തിനുതാഴെ സെന്‍ട്രല്‍ ബാങ്ക് മാനേജര്‍ എന്നതിനൊപ്പം ചേര്‍ത്തപേരും മൊബൈല്‍ നമ്പറും മാത്രം മാറ്റിയിട്ടുണ്ടാകും. വ്യത്യസ്തമായി ഒപ്പും ഓരോ സന്ദേശത്തിലും പതിപ്പിച്ചിട്ടുമുണ്ട്. ഈ സന്ദേശത്തില്‍ പറഞ്ഞപോലെ ചെയ്താല്‍ സൈബര്‍ തട്ടിപ്പുകാരുടെ വലിയകെണിയിലേക്കാകും ചെന്നുവീഴുക. പലര്‍ക്കും ഇത്തരം തട്ടിപ്പുകളെകുറിച്ച് കൃത്യമായ ബോധ്യമുള്ളതിനാല്‍ കെണിയില്‍പ്പെടുന്നില്ലെങ്കിലും ചിലരെങ്കിലും ഇരകളാകുന്നുവെന്നത് ഗൗരവമുള്ളതാണ്.
സാധാരണക്കാരായ തൊഴിലാളികളെയും ഇത്തരം തട്ടിപ്പുസംഘം ഇരകളാക്കുന്നുണ്ട്. അവരില്‍ ചിലരെങ്കിലും എമിറേറ്റ്‌സ് ഐ.ഡി, എ.ടി.എം. രഹസ്യനമ്പറുകള്‍ അടക്കമുള്ള വിവരങ്ങള്‍ സംഘവുമായി അറിയാതെ പങ്കുവയ്ക്കുകയും ചെയ്യുന്നു. അങ്ങിനെ വിവരങ്ങള്‍ ചോര്‍ത്തിയെടുത്താല്‍ നിമിഷങ്ങള്‍ക്കകമാണ് എ.ടി.എം., ക്രഡിറ്റ് കാര്‍ഡുകളില്‍നിന്ന് പണം തട്ടിയെടുക്കുന്നത്. ഇതിനെതിരേ കരുതിയിരിക്കണമെന്നും ജാഗ്രത പാലിക്കണമെന്നും യു.എ.ഇ. പോലീസ് മുന്നറിയിപ്പ് നല്‍കിക്കഴിഞ്ഞു. ബോധവത്കരണവും ആരംഭിച്ചിട്ടുണ്ട്.

സാമൂഹിക മാധ്യമങ്ങളിലൂടെ അന്താരാഷ്ട്ര തലത്തില്‍ അറിയപ്പെടുന്ന ഭക്ഷ്യവിതരണ കേന്ദ്രങ്ങളുടെയടക്കം പേരുകള്‍ ദുരുപയോഗിച്ച് സാമ്പത്തിക തട്ടിപ്പ് നടത്തുന്ന സംഘങ്ങളും സജീവമായി പ്രവര്‍ത്തിക്കുന്നുണ്ട്. ആഫ്രിക്കയടക്കമുള്ള രാജ്യങ്ങള്‍ കൂടാതെ ജി.സി.സി. രാജ്യങ്ങളിലിരുന്നും തട്ടിപ്പുസംഘം പണം തട്ടിയെടുക്കുന്നുണ്ടെന്ന് തിരിച്ചറിഞ്ഞിട്ടുണ്ട്. വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക https://chat.whatsapp.com/DiZTwvtyzhr4PtEGcMKxHO
അടുത്തിടെയാണ് ഒരു പ്രവാസി യുവതിക്ക് 58,000 ദിര്‍ഹം നഷ്ടമായത്. 40 ദിര്‍ഹത്തിന്റെ ബര്‍ഗര്‍ ഓണ്‍ലൈന്‍ വഴി ഓര്‍ഡര്‍ ചെയ്തപ്പോഴാണ് കിര്‍ഗിസ്താനിലിരുന്ന് സംഘം അവരെ തട്ടിപ്പിനിരയാക്കിയത്. റാസല്‍ഖൈമയിലെ ഒരു പ്രവാസിക്കും ഇത്തരത്തില്‍ 19,000 ദിര്‍ഹം നഷ്ടമായി. എ.ടി.എം. വിവരങ്ങള്‍ ചോദിച്ചറിഞ്ഞശേഷം ഒറ്റയടിയ്ക്ക് സംഘം പണം പിന്‍വലിക്കുകയിരുന്നു. സമാനമായ ഒട്ടേറെ സംഭവങ്ങള്‍ അടുത്തിടെയായി യു.എ.ഇ.യില്‍ നടന്നിട്ടുണ്ട്.

info

.നാട്ടിൽ വാഹനമുള്ള പ്രവാസികൾക്ക് ഇക്കാര്യം ഏറെ ഉപകാരപ്രദമാകും

Comments (0)

Leave a Reply

Your email address will not be published.